खोरठा गीतेक बादशाह विनय तिवारी | khortha Gitkar Binay Tewary
खोरठा गीतेक बादशाह विनय तिवारी कोन्हों पहचान कर मोहताज नाञ हथ. ई ओहे विनय तिवारी लागथ जेकर उखरावल खोरठा गीत झारखंड नाञ गोटे देश आर परदेशों धुम मचेलकइ. आइज गोटे दुनियांभर में खोरठा भासाक आपन आंचा आर ढांचा हे जेकर में खोरठा गीतकार विनय तिवारी जीक बोड़ जोगदान हे. उनखर उखरावल गीत कर साड़ा (स्वर) उदीत नारायण, कुमार सानू, अनुप जलोटा, मनोज देहाती जइसन बिखियात गायक देलक हथ. उनखर उखरावल गीतेक उपर विश्वविद्यालय में शोधार्थी शोध करे लागल हथ. खोरठा भासाक छेतरें बेजोड़ जोगदान खातिर विनय तिवारी जीक भिन्नु-भिन्नु संस्था बाट ले ढेइरों पुरस्कार आर सम्मान से सम्मानित करल गेल हे.
बिसइ बसतु
पइरवारेक जीवन
सिछा
खोरठाक छेतरें जोगदान
सम्मान/पुरस्कार
पइरवारेक जीवन
जनम:- 5 अक्टूबर 1974
गांव:- रोआम (रोवाम)
जिला:- धनबाद
पुरा नाम:- विनय कुमार तिवारी (Binay Kumar Tewary)
खोरठा गीतेक बादशाह विनय तिवारी जीक जनम झारखंड राइजेक धनबाइद (धनबाद) जिलाक तोपचांची प्रखण्डें रोआम गावें एगो साधारन पइरवारें 5 अक्टूबर 1974 ई. भेल हलई. इनखर मायेक नाम बेला रानी आर बापेक नाम हरि प्रसाद तिवारी हे. उनखर पत्नी स्वाति तिवारी एगो ‘गृहणी’ लागे. विनय जीक दुइगो छउवा हे राजरंजन उर्फ “राज” आर रुद्रप्रताप तिवारी उर्फ “भोलू” छउवे घरी विनय जी आपन बापेक मामा से हारमोनियम उपरें संगीत केर धुइनेक रियाज करो हला. एही सब ले उनखर रूची खोरठा संगीत आर गीत लेखन में भेलइ. खोरठा गीतकार केर रूपें जोरदार काम केर खातिर उनखा ‘खोरठा गीतकार’ के उपनाम से जानल जाहे.
सिछा
विनय जी छउवे घरी ले एगो बुइधगर, तेजगर आर रंगचगीया गीदर हला. गरीब पइरवारें जनमल विनय जीक पइसाक ढेइर अभाव हल, सेइ ले ओतना लिखाई पढाइ विनय जी नाञ करो पारलइ. तइयो गांवेक मध्य विद्यालय बाघमारा, रोआम से आठवां तइक पढलका. 1989 ई. में श्री शंकर दयाल उच्च विद्यालय, रोआम से मेटरिक परीछा पास करलका. ओकर बादें 1991 में आर एस मोर महाविद्यालय से इंटर आर 1995 बछर में एहे महाविद्यालय से अर्थशास्त्र बिसई से बी.ए में आनर्स करलका.
खोरठाक छेतरें जोगदान
विनय जीक आपन मायं – माटी मातरीभासाक उपरें अटुट परेम हलई आर छउवे घरी ले कोन्हो ना कोन्हो लिखइते रहो हला. उ कयेक भासा में लिखला खोरठा, नागपुरी, बंगला, भोजपुरी, हिन्दी आरो – आरो. मकिन खोरठा इनखर आपन मातरी भासा हई. सेई ले इनखर रचना खोरठाहुं ढेरे भेलइ हे. विनय जी गीत केर संगे-संग कबिता, कहनी आर भिन्नु-भिन्नु रूपें लिखल हथ. उनखर जोगदान खोरठा भासा आंदोलन के अगुआ सिपाही रूपें जानल जाहे. खोरठा गीत, संगीत, साहित आर सिनेमाक ‘संरक्षण’, ‘संवर्धन’, ‘विकास’, ‘मान-सम्मान’ खातिर हर घरी खोरठा गीतकार विनय तिवारी लगस्तर आंदोलनरत् आर परिआसरत् हे. विनय जी खोरठाक आठवीं अनुसूची में ठांव दियावे खातिर जिमिरजिट परिआस कर रहल हथ.
■ खोरठा गीतेक बादशाह
विनय जी जे गीत लिखेक सुरू करलका फिर पेछु मुड के नाञ देखला. विनय जी खोरठा, नागपुरी आर भोजपुरी भासाञ 25 बछर से 1000 ले बेसी गीत उखरेलका हथ. उनखर उखरावल गीत बिखियात टी-सिरिज कंपनी संगे-संग अइन आडियो- विडियो कंपनी से परसारित भेल हे. विनय जीक उखरावल गीत केर साड़ा उदीत नारायण, कुमार सानू, अनुप जलोटा, सपना अवस्थी, मनोज देहाती, गौतम महतो, इंदु सोनाली, पायल मुखर्जी, पवन, पंकज, मिताली घोष, मोनिका मुंडू जइसन बिखियात गायक देलक हथ.
इनखर खोरठा गीत के लोग ढ़ेइर पसींद करे लागलथीन। एक समय अइसन आइल की जखन झारखण्डेक गांवे – गांवे, घरे-घरे इनखर गीत लोके सुने लागला. इनखर गीत झारखण्डेक भासा संसकिरति, गरीब-दुखिया सामाजिक भाबना, परेम परकिति, धारमिक करम, परब तिहार आर उलगुलानेक उपरें हे. विनय जीक गीतें मिठास भरल हे, उनखर गीतें सुर आर ताल बेजोड़ हे. सबद आर भाव के जबरदस्त चुनाव करल गेल हे. सेई ले लोकें आपन काम छोइड़ – छोइड़ केर विनय जीक गीत सुनो हथ.
विनय जी खोरठा गीतकार रूपें झारखंडे नाञ बिचकुन राइजेक छाड़ा दोसरो राइजे आर विदेस में बिख्यात भेला. आखिर ऊ दिन टा आइ गेल जखन विनय तिवारी जी, खोरठा गीतकार के नाम से गोटे दुनियांञ छाइ गेला. आइझो ई सब गीत लिखइत हथ. आसा हे उनखर कलम से आर बेस-बेस गीत उखरावल जेतइ.
हिंयां विनय जीक उखरावल खोरठा गीतेक बिखियात एलबम/गीत देखल जाइ पारे
1. कावंरियाँ झूम रे
2. शेरावाली के दरबार में
3. धुर्री उड़ाई के
4. ओ मितवा रे
5. तोरे प्यार चाही
6. गुलाबी चुनरी वाली
7. दिलवाली
8. बिजली
9. तोयं हामर दिल लागें
10. होली गर्दा उड़ाई के
11. दिल तोरे दीवाना
12. पागल बनाय देलें
13. झुमकावाली
14. दिल दीवाना
14. फुलमानियाँ गे
15. दिल आब तोरे नाम
16. रांगे दे गोरे गलवा
17. लव यू मोनिका
18. बिहा कराय दे
19. घूंघट वाली गोरिया
20. आयजो गौरी
21. ए बबली गे
22. चल गे गंगिया बाबा धाम
23. हाय रे मतवाली
24. कांटा लगाय दिया रे
25. तोयं कयर देलें दीवाना
26. वेवफा
27. कबूतर आय जो रे
28. प्यार कर रोग
29. मोहब्बत जिंदाबाद
30. प्यार में गिज़्ज़ा गीजा
31. कावंरियाँ लेके काँवर चला
32. जय जय भोले
33. माई के चरनवां
34. ऐ सइयाँ चला चला न हो बाबा के नगरिया
35. भौजी के बहिन लाले लाल
36. दिलवा मांगे झारखंड वाले
37. छौड़ी के फैशन
38. सासाराम के लिटी
39. पहली मुहब्बत
40. दिल तरसाय के
41. दिल हमरा दय दे
42. गोरे गालवाली
43. दिल देबें की नायं
44. प्रेम रोग
45. कजरा गे गजरा गे
46. चोराय लेलय दिलवा
47. पहली मुहब्बत
48. भैया जी के साली
49. पहली मुहब्बत पीपल के नीचे
50. चल गे गंगिया शेरावाली के धाम
■ विनय तिवारी कर चर्चित खोरठा कबिता
खोरठा गीतेक बादशाह विनय तिवारी जी खोरठा भासाञ कइगो कबिता उखरावल हथ. उनखर कबिता अखड़ा, परास फूल, आवाज 7 डेज और प्रभात खबर के माय माटी पेज पर छपल हे.
1 एइ भात रे
2 मायं माटी
3 कि रकम ओझराइ के राखल हें
4 तोर हामर परेमक कहनी
5 मानुस आर बुझे नॉय रे भाय
6 मानुसे मानुस के मारे लागल
7 मिटे नायं दिहा माटिक मान
8 हामर नुनियाइं सोब जाने
9 फरक
10 बेस दिन ककर
11 भूखला भुखले रइह गेल
12 एकेक गोक हिसाब हतय
13 हामेँ तब तक नायं मोरब
14 काट बइन के ख़रीस साँप
15 तोर अँगे अँगे बिस भोरल
16 तोयँ तो जानें
17 उलगुलान
18 बोनेक आइग
19 कि तोयँ जाने हें नायं
20 तोयँ सोब लुइट रहल हें
21 गोबरा जाग,जाग रे गोबरा
22 हामर पेटेक आइगीं
23 पोढ़ नुनू पोढ़ रे
24 कते कबिता तोर खातिर मोरल
25 बेटी आर चिटा माटि
26 फइर चिराइल चोंथाइल हामर करेजा
27 आब हिंछा नायँ करे
28 हमरा जोदि विधायकें चुनबें
29 भोकवाइल लोक
30 तोयँ आगुं बढ़ तो
31 दु गो खेपा
32 उलगुलान क्रांति के चिन्हा
33 आब नायँ चलतो
34 तोयँ नुकाय राखल हें
35 रधिया बाहर कर कांड धनुक़ टा
36 भुजूंग करिया होय गेलही
☆ आठवीं बरगेक सिलेबसें खोरठा कविता जोडल गेल हे:- आठवीं कछाक (कक्षा) खोरठा किताप “दू डाइर करंज फूल” में विनय तिवारी जीक खोरठा कबिता “झारखंडके माटी” नाम ले सिलिबसें जोडल गेल हे
☆ खोरठा भासाक रचनाकार दिनेश दिनमणि संपादित किताब “सोहान लागे रे” में विनय तिवारी जीक लिखल तीनगो गीत शामिल हे।
1. हामर छोटानागपुर
2. मांय – मांटी
3. एइ भात रे
☆ विनय तिवारी खोरठा विकास एवं शोध केन्द्र, रोआम:-
खोरठाक बेजोड़ गीतकार विनय तिवारी आपन घरडिंडा धनबाद जिलाक रोआम गांवें “विनय तिवारी खोरठा विकास एवं शोध केन्द” बनेले हे। जहां विनय जी लपाता भेल जा रहल खोरठा आर बिरहोर भासाक बचवे आर बढावे खातिर “भित्तिचित्र” (दिवाल पेंटिंग) लेल प्रचार आर प्रसार में लगल हे।
हिआं भित्त (दिवाल) उपरें गाय-गरू, चिरई-चिनगुनी, तियन – तरकारी आरो- आरोक हिंदी, अंग्रेजी आर खोरठाहुं चिन्हा-मुद्री (चित्र) छपा के नाम छपेलक हे। ई भागीरथ परिआस से कम नाञ लागे। सोसे खोरठा जगत उनखर ‘रिनी’ हे।
■ खोरठा सिनेमा के अगुवा
विनय जीक खोरठा गीत, संगीत आर सिनेमाक जमीन से उठाइके फुनगी तइक पहुंचावेक बडका जोगदान हे. खोरठा भासाञ सिनेमाक सुरूआत केर श्रेय तिवारी जीक जाहे हे.
• तिवारी जी खोरठा सिनेमा ‘हमर देहाती बाबू‘ में पटकथा लिखलका. इ सिनेमा को “प्रथम झारखंड अंतर्राष्ट्रीय फिल्म महोत्सव” में झारखंडेक पूर्व मुख्यमंत्री बाट ले बेस्ट खोरठा फिल्म अवार्ड दियल गेल हले.
• खोरठा फिल्म ‘दय देबो जान गौरी‘ आर ‘झारखंडेक माटी‘ में गीत उखरावल के काम करला हे.
• नागपुरी सिनेमा ‘करम‘ में गीत उखरेला हे.
• खोरठा लघु फिल्म ‘पिता का मान बिटिया’ में निर्देशन, पटकथा आर गीत लेखन करलका हे. इस फिल्म केर दुसरा झारखंड राष्ट्रीय फिल्म फेस्टिवल में बेस्ट खोरठा फिल्म के अवार्ड दियेल गेल हे.
• खोरठा सिनेमा ‘जोहार झारखंड‘ में पटकथा आर गीत उखरावेक काम करलका हे.
• यूट्यूब पर पोस्ट करल लघु सिनेमा ‘माबलींचिंग‘ में विनय जी सह निर्देशन आर गीत उखरावेक काम करलका हे.
• भारत सरकारेक सांस्कृतिक मंत्रालयेक ‘संगीत नाटक एकेडमी’ की अध्यक्ष डा संध्या पुरेचा पहिल बेर “मिट टू आर्टिस्ट” कार्यक्रम के माइधमें झारखंडी भासाक खोरठाक बेजोड़ लोक कलाकार – गीतकार आर निर्देशक विनय तिवारी जीक धरडिंडा “रोआम” मिले खातिर पहुंचला। “मिट टू आर्टिस्ट कार्यक्रम” में पद्मश्री उमाकांत गुंडेचा, छउ गुरु तपन पटनायक, संजय चौधरी, नंदलाल नायक आर ढेरमनी जानल- पहचानल विद्वानगुला पहुंचला हल।
ई प्रोगामें आपन संबोधन में डाॅ संध्या पुरेचा कहलथिन “संगीत नाटक एकादमी” बाटले खोरठा भासक कलाकारेक बिकास खातिर पुरजोर परिआस करल जाइत। संगीत नाटक एकादमी बाटले कार्यक्रम में खोरठा भासक कलाकार खातिर बैठेक ठावं (स्थान) पक्का के आस्वासन दियल हे। खोरठा भासाक खातिर ई ‘गौरव के पल’ हे। एकर पुरा श्रेय खोरठा गीतकार विनय तिवारी जीक जा हे।
■ प्रिंट, इलेक्ट्रॉनिक आर डिजिटल मीडिया
• विनय तिवारी जीक खोरठा रचना टेलीग्राफ, हिंदुस्तान, प्रभात खबर, दैनिक भास्कर, दैनिक जागरण, आज, अवाज, जइसन पत्र में परकासित भेल रहे हे.
• आदिवासी, अखड़ा, झार न्यूज़, परासफुल, लुआठी, तितकी जइसन खोरठा पत्रिकाञ विनय जीक कबिता, गीत, कहनी, जीवनी परकासित भेल रहल हे.
■ झारखंड उलगुलानें जोगदान
खोरठा गीतेक बादशाह विनय तिवारी खोरठा गीत केर संगे-संग झारखंड राइजेक उलगुलानें अगुवा भुमिका निभेलका हे. खोरठा भासा उलगुलानेहुं विनय जी बोड भुमिका निभेलका हे. ई खातिर उ कइ बेरा जेल गेला. उनखर पहचान एगो झारखंडेक उलगुलानेक सिपाही रूपें जानल जाहे. नुक्कड़ नाटक, गीत, झूमर के माधियम से विनय जी लोकें जगावेक उता-सुता करलका.
■ किताब विमोचन में विनय तिवारी:-
खोरठा भासाक बेजोड़ गीतकार विनय तिवारी जी झारखंडेक मुख्यमंत्री आर भिनु – भिनु विद्वान गुलाक संग झारखंड सामाइन गिआनेक धुरंधर लेखक देव कुमार के दोसर किताप “मैं हूं झारखंड” के विमोचन करलका।
सम्मान/पुरस्कार
खोरठा गीतेक बादशाह विनय जीक एतना बोड़ कामयाबी आर सोहरतेक ई मुकाम टा अइसे हीं नाञ मिललइ. हिञा तक पहुँचे में कते घाम चुवेला कहल नाञ जाइ पारे. एगो गरीब बाभन पइरवारे जनमल छउवे घरी ले गीत संगीते ढ़ेइर चेठा हलइ, जेकरा आपन मने ठानला आर एगो ठेकान तक पहुंचेलका. जे खोरठाक देहाती आर ठेठ कह के लोकें बोलइ-बचकइ में सरम महसुस करो हलथ. ऊ खोरठाक आपन लेखनिक जोर से विनय जी जनमानस के भासा बनेलका. जेकर परिनाम आइझ खोरठा भासाक अधियन आर अधियापन खातिर चुन रहल हे. विश्वविद्यालयञ हुं आइज खोरठा भासाक गुंज सुना रहल हे. उनखर एहे जोगदान खातिर सरकार आर संस्था बाट ले कइगो सम्मान आर पुरस्कार ले सम्मानित करल गेल हे. जेकरा हिंया उखरावल जा रहल हे.
• खोरठा रत्न सम्मान:- नेट इंडिया सुविधा कार्डस लिमिटेड कंपनी बाट ले 25 फरवरी 2008 को.
• खोरठा गौरव अवार्ड:- नेट इंडिया सुविधा कार्डस लिमिटेड कंपनी बाट ले पूर्व मुख्यमंत्री शिबु सौरेन के हाथों 28 नवंबर 2008 को.
• खोरठा सम्मान:- खोरठा गीत आर खोरठा सिनेमा केर छेंतरें जोगदान खातिर 2011 बछरें खाद्य मंत्री मथुरा प्रसाद महतो के हाथों.
• सांसकृतिक सम्मान:- कला संस्कृति एवं खेल-कूद सांस्कृतिक कार्य निदेशालय झारखंड सरकार बाट ले मंत्री अमर बाउरी के हाथों 21 मार्च 2016 को सांस्कृतिक सम्मान दियल गेल.
• खोरठा गीतकार सम्मान:- ऋषिकेश स्मारक सेवा समिति बाट ले 23 सितंबर 2016 को इ सम्मान दियल गेल.
• डाक टिकट जारी:- भारतीय डाक विभाग बाट ले माइ स्टाम्प पालिसी के तहत 2016 बछरें विनय तिवारी जीक पांच रूपया छपल डाक टिकट जारी भेलइ.
• श्रीनिवास पानुरी खोरठा प्रबुद्ध सम्मान:- 25 दिसम्बर 2016 बछरें.
• श्रीनिवास पानुरी स्मृति सम्मान:- 25 दिसम्बर 2016 बछरें.
• खोरठा श्री सम्मान:- ऋषिकेश स्मारक सेवा समिति बाट ले 21 फरवरी 2018 को इ सम्मान दियल गेल.
• श्रीनिवास पानुरी मेमोरियल अवार्ड फार खोरठा लिटरेचर सम्मान:- प्रथम झारखंड अंतर्राष्ट्रीय फिल्म महोत्सव बाट ले 27 मई 2018 को.
• झारखंड कला रत्न अवॉर्ड:- झारखंड फिल्म निर्माता संघ बाट ले 27 जून 2018 को दियल गेल.
• बेस्ट गीतकार आफ खोरठा सम्मान:- प्रथम झारखंड नेशनल फिल्म महोत्सव बाट ले 28 अक्टूबर 2018 को दियल गेल.
• बेस्ट स्क्रीप्ट राइटर सम्मान:- द्वितीय झारखंड नेशनल फिल्म महोत्सव बाट ले 18 अक्टूबर 2019 को दियल गेल.
• खोरठा कला संस्कृति रत्न:- खोरठा साहित्य संस्कृति परिषद बाट ले 25 दिसम्बर 2020 को इ सम्मान मिललइ.
• अखड़ा सम्मान:- गीत, संगीत आर सिनेमाञ जिमिरजिट जोगदान खातिर जागो आर जगाओ सांस्कृतिक कला मंच बाट ले 16 नवंबर 2021 को इ सम्मान से सम्मानित करल गेल.
• नमन बिरसा मुंडा झारखंड रत्न सम्मान:- नमन इंटरनेशनल फाउंडेशन फार एजुकेशन एंड सोशल रिसर्च बाट ले 14 नवंबर 2021 को झारखंड सरकार के मंत्री सत्यानंद भोक्ता हाथों इ सम्मान से सम्मानित करल गेल.
• जयशंकर प्रसाद स्मृति पुरस्कार:- जयशंकर प्रसाद विचार मंच रांची, झारखंड बाटले झारखंड में खोरठा कला संसकिरतिक विकासें बोड़ जोगदान खातिर ‘खोरठा गीतकारेक‘ नामें ले मसहूर “विनय तिवारी” जीक ” जयशंकर प्रसाद स्मृति पुरस्कार, 2022-23 ‘सम्मान’ दियेल गेल हे। इ ‘सम्मान’ विनय जीक एगो कारियकरमें मुइख पहुना डाॅ रमेश कुमार पाण्डेय, पूर्व कुलपति रांची विश्वविद्यालय, रांची के हाथ से मिलल हे।
_______________________________________
• दूरदर्शन रांची से विनय तिवारी जीक भेल वार्ता देखे खातिर हिंआ क्लिक करा
? हिंदी में विनय तिवारी की जीवनी पढ़े खातिर हिंसा क्लिक करा
? हिंदी में विनय तिवारी की जीवनी यूट्यूब पर देखे खातिर हिंसा क्लिक करा
_____________________________________
? खोरठा गीतकार विनय तिवारी जीक फोटो गैलेरी
वेबसाइट को सब्सक्राइब करने के लिए घंटी को दबाएं. जिससे पोस्ट के साथ ही आपके मोबाइल पर notification पहुंच जाएगी.
• सुझाव और जानकारी इस E mail पर भेजें
dangimp10@gmail.com
——————————————————
खोरठा गीतेक बादशाह विनय तिवारी | Binay Tewary
इसे भी देखें
Computer 30 mcqs
Birmingham Commonwealth Games mcqs
July 2022 mcqs
Science top 50 gk
भारतीय चित्रकला से 25 इंपोरटेंट mcqs
भारतीय संविधान से 50 इंपोरटेंट प्रश्न
Computer gk 50 question
स्वास्थ्य एवं पोषण से 25 mcq
8th class khortha jac board 1st Terminal exam.
8th khortha jac board 2nd terminal exam.
खोरठा पत्रिका का इतिहास
सोंधी माटी कविता और कविता संग्रह से mcqs
सोंध माटी कहानी वर्णन, mcqs 70 प्रश्नोत्तर सहित
खोरठा भासाक मानक रूप
भासा और बोली में अंतर खोरठा में
खोरठा भाषा की विशेषता
खोरठा साहित्यकार महेंद्र प्रबुद्ध की जीवनी
खोरठा रचनाकार दिनेश दिनमणि की जीवनी
खोरठा गीतकार विनय तिवारी की हिंदी में जीवनी
खोरठा भाषा के क्षेत्रीय रूप (हिन्दी और खोरठा में)
खोरठा स्वर और व्यंजन
खोरठा D.el.ed. सिलेबस
खोरठा भाषा के लेखक परिचय
खोरठा लेखकों का निकनेम (उपनाम)
खोरठा भाषा की लिपि
खोरठा की प्रसिद्ध रचनाएं एवं रचनाकार
10th खोरठा सिलेबस
9th खोरठा सिलेबस
खोरठा कविता रूसल बदरी और नावा जुइग आ गेलइ
पर्वत क्या है, प्रकार एवं वितरण
विश्व के प्रमुख घास के मैदान
अक्षांश रेखा क्या है यह कैसे खींची जाती है पुरी जानकारी
विश्व के जलधारा का संपूर्ण वर्णन चित्रों सहित
विज्ञान से महत्वपूर्ण 50 mcqs
विश्व जनसंख्या दिवस कब और क्यों मनाया जाता है
प्रोजेक्ट टाइगर क्या है
आजादी से जुडे 10 रोचक बातें
भारतीय तिरंगे झण्डे का इतिहास
उसरी जल प्रपात कैसे पहुंचे
भारत के सबसे युवा मुख्यमंत्री कौन
frist ATM मशीन का आविष्कार किसने किया
class 9th
class 10th
इसे भी देखें
खोरठा गीतकार विनय तिवारी का जीवन परिचय
तमगसीन जलप्रपात का विडियो
हमारे ब्रह्मण्ड का विडियो
पपीते के लाभ
भारतीय रूपये का इतिहास
class 10th
_________________________________
खोरठा गीतेक बादशाह विनय तिवारी | Binay Tewary
प्रस्तुतीकरण
www.gyantarang.com
शोध एवं आलेख
महेंद्र प्रसाद दांगी